@dritanalsela
Dritan AlselaNë një dalje nga Pogradeci, Edi Rama zgjodhi ta nisë mesazhin e tij me perëndimin e diellit mbi liqen, Lasgush Poradecin, “pushimet aktive”, ekosistemin e ri të komunikimit dhe platformën “Pasqyra Albania”. Një panoramë optimiste e një shteti që modernizohet dhe që, sipas Kryeministrit, synon që hallet e qytetarëve të mund të ndiqen në kohë reale, njësoj si një pako postare. Por përtej kësaj gjuhe poetike dhe teknokratike mbeten pyetjet politike që kërkojnë përgjigje. Çfarë po ndodh me zonat e mbrojtura? Çfarë pasojash do të ketë Ligji 21/2024? Çfarë do të sjellë “Paketa e Maleve” për tokën dhe territorin shqiptar? Në një moment kur këto çështje vazhdojnë të shkaktojnë debat dhe shqetësim, komunikimi politik nuk mund të zëvendësojë përgjigjet konkrete. Dielli mbi liqenin e Pogradecit mund të jetë i bukur dhe Lasgushi mbetet një nga krenaritë e kulturës shqiptare, por poezia nuk duhet të shërbejë si mjegull për politikën. Kur mjegulla largohet, pyetjet mbeten aty: Po Ligji 21/2024? Po “Paketa e Maleve”?
On the profile · Aug 23, 2026