@dritanalsela
Dritan AlselaEurodeputetja holandeze Tineke Strik, anëtare e Delegacionit të Parlamentit Evropian për Shqipërinë, foli sot në mbledhjen e Komitetit Parlamentar BE–Shqipëri. Ajo deklaroi se ndryshimet e ligjit për zonat e mbrojtura të miratuara në vitin 2024 nuk janë në përputhje me standardet e Bashkimit Evropian. Sipas saj, Parlamenti Evropian ka kërkuar shfuqizimin e këtyre ndryshimeve, miratimin e një ligji të ri sipas standardeve të BE-së dhe vendosjen e një moratoriumi për ndërtimet në zonat e mbrojtura deri në miratimin e ligjit të ri. Strik tha gjithashtu se vendet kandidate nuk duhet të bëjnë hapa pas në procesin e integrimit dhe i bëri thirrje Kuvendit të Shqipërisë të respektojë standardet evropiane. Në fund, ajo përgëzoi punën e SPAK-ut për pavarësinë e tij dhe kërkoi që Kuvendi të lehtësojë hetimet ndaj zyrtarëve të lartë, duke përmendur edhe kërkesën e SPAK për heqjen e imunitetit të Zëvendëskryeministres Belinda Balluku.
On the profile · Jul 8, 2026